लभलेटर/केकी अधिकारी (नायिका)

आजको युवापुस्ता प्रेम र सेक्समा उदार हुँदै गएको छ। स्कुलमा सानो कक्षादेखि नै प्रेमपत्र लेख्ने र गर्लफ्रेन्ड-ब्वाइफ्रेन्ड बनाउने चलन बढ्न  थालेको छ। अर्काको देखासिकी भए पनि प्रेमपत्र लेख्ने र प्रतिउत्तर दिने चलनले सबैजसोका ब्वाइफ्रेन्ड-गर्लफ्रेन्ड देखिन्छन्। यद्यपि मलाई  अझैसम्म प्रेमपत्र आएको छैन। प्रेमपत्र नआउँदा म अनाकर्षक पो छु कि भन्नेसम्म परेको थियो। अहिले लाग्छ, मलाई प्रेमपत्र नआउनुको  कारण अर्कै रहेछ। 

मेरो बुवा बद्री अधिकारी पेसाले कलाकार-निर्देशक भए पनि उहाँको आफ्नो विद्यालय पनि छ। बुवाले त्यसको व्यवस्थापन हेर्नुहुन्छ भने ममी  त्यसको प्रिन्सिपल हुनुहुन्छ। अरूको तुलनामा हाम्रो विद्यालय अनुशासनमा निकै कडा मानिन्छ। प्रिन्सिपलदेखि सबै विद्यार्थी थर्कमान हुन्छन्। म  त्यही विद्यालयकी विद्यार्थी भएकाले मलाई घरमै विद्यालयको अनुशासनका सम्बन्धमा सम्झाइन्थ्यो। म विद्यालयमा प्रिन्सिपल म्यामकी छोरी हुँ  भन्नेसम्म बिर्सन्थे।

आज एउटा मेरै गीत, गाउदैछु म

आज एउटा मेरै गीत, गाउदैछु म
लागेर तिम्रै पछिपछि, धाउदैछु म ।

खुशी छू धेरै पाएर साथ् तिम्रो
नजानेनी माया प्रिती, लाउदैछु म ।

थाहा थिएन अर्थ केही जीन्दगीको
तिमी आएर नयाँ जीवन,पाउदैछु म ।

खोज्दैछु तिम्रै खुसी भेटाउलानी भनी
संगै हिंड्ने बाटो हाम्रो, बनाउदैछु म ।

तड्पि बस्दा धेरैकुरा खेल्छ मनभरी
तिम्रो मेरो दुरी मेट्न, आउदैछु म ।

रेशम श्रेष्ठ
हुवाश्-३, पर्वत ।

तिम्रै लागि देवीदेउता भाकेर बसे

तिम्रै लागि देवीदेउता भाकेर बसे
तिम्रो चिनो रुमाल साथमा राखेर बसे ।
 
झल्को तिम्रो धेरैधेरै आउँदा मनभरी
तस्बिर तिम्रो यहि हातले छामेर बसे ।

सपनिमा आउछौ तिमी साथ जतिखेर
उज्यालो त्येही बिपनीलाई डाकेर बसे ।

हुन्छौ तिमी जतिखेरै मन्को मझेरीमा
तिम्रै लागि रहर मेरो साचेर बसे ।

मनमुटु तिम्रै नाममा अर्पेको छू मैले
देख्दिन तिम्रो गल्तिहरू राम्रै ठानेर बसे ।

रेशम श्रेष्ठ ।
हुवाश्-३, पर्बत ।

संसारलाई उज्यालो दिन आफै बलेर के पायौ

संसारलाई उज्यालो दिन आफै बलेर के पायौ
दुनियालाई खरानी बनाउन आफै जलेर के पायौ ।

सुन्दर यो संसारको महत्व बुझिनौ तिमिले
आफ्नै समस्या लुकाएर सबैलाई छलेर के पायौ ।

जीवन एउटा फूल हो फुलाउनु पर्छ सबैले
सानो बोट तिमी एउटा आफै ढलेर के पायौ ।

हिड्नु थियो धेरै लामो बाटो जिन्दगीको
आधी बाटो नहिड्दै बिचैमा चलेर के पायौ ।

रेशम श्रेष्ठ
हुवाश - ३, पर्वत ।

आफ्नो हात हेर्नुस्, भाग्य जान्नुहोस्

ज्योतिषका अनुसार हस्तरेखा भविष्य जान्नको लागि सबैभन्दा उचित विद्या हो । हात हेरेर मानिसको भूत, भविष्य र वर्तमान जान्न सकिन्छ । साथै हातको बनावटको हेरेर मानिसको स्वभाव तथा उसको विचार पनि जान्न सकिने ज्योतिषहरु बताउँछन् । हस्तरेखाको अध्ययनमा हातको छोटा छोटा कुराले पनि गहिरो महत्व राख्दछ । जस्तो औलाको बनावट कस्तो छ ? भन्ने आधारमा त्यो व्यक्तिको स्वभाव अन्दाज लगाउन सकिन्छ । 

जान्नुहोस् तपाईको औलाले के बताउँछ ?

ज्योतिषका अनुसार तपाईको चोर औलाको तलको भाग, जसलाई गुरु पर्वत या गुरुको औला पनि भनिन्छ, ले व्यक्तिको नेतृत्व क्षमता, महत्वकांक्षा आदिको बारेमा जान्न सकिन्छ । 

एसएमएस अरूले हेर्लान् नि !

काठमाडौं, भाद्र ११ - मोबाइलबाट एसएमएस गरी कुनै गोप्य सन्देश आदानप्रदान गर्न थाल्नु भएको छ भने एकचोटि सोच्नुस् । तपाईंको सन्देशको गोपनीयता नरहन सक्छ । तपाइर्ंले सेयर गर्नु भएको खबर थाहा पाउन नहुनेकहाँ पुग्न कत्ति बेर छैन ।   

न्यायाधीश रणबहादुर बम हत्याको अनुसन्धान गर्न बनाइएको टोलीले ५ लाखवटा फोनको कल डिटेल र ३० हजारवटाको एसएमएस डिटेल लिएको थियो । प्रहरीले बम हत्याको कुनै सुराक पत्ता लगाउन नसकेपछि यसरी ठूलो संख्यामा कल/ एसएमएस डिटेल रिपोर्ट (सीडीआर) लिएको थियो । तर पनि प्रहरीले बम हत्याको त छेउटुप्पो थाहा पाउन सकेको छैन । तर एसएसएम डिटेलमा आदानप्रदान भएका सन्देश केही प्रहरीका लागि मनोरन्जन गर्ने साधन भएको छ । बेलुकीपख वरिष्ठ अधिकृतहरू कार्यालयबाट बाहिरिएपछि प्रहरी कनिष्ट अधिकृतहरू महानगरीय प्रहरी आयुक्तको कार्यालयमा बनाइएको अनुसन्धान कक्षमा जम्मा भएर एसएमएस पढ्छन् । सम्बद्ध स्रोतका अनुसार प्रेम र यौन सम्बन्धसँग जोडिएका एसएमएस सन्देश खुवै पढिने गरेको छ । यसबाहेक व्यापारिक डिल पनि रोचक हुने गरेको छ ।