तिम्रै यादमा घुट्की नशाको पिएर बस्दैछु
तिम्रै प्रतिक्षामा म त आफै खिएर बस्दैछु ।
खुशीको बाहार ल्याउछु तिम्रै लागि भन्दै
सबैसबै पिडाहरू आफैसँग लिएर बस्दैछु ।
जीवन बित्दैछ मरुभुमीमा बनेर बन्दकी
रगत पसिना अर्कैको लागि दिएर बस्दैछु ।
साथ् तिम्रो भयो केबल आफ्नै कल्पनामा
दिनहरू ती मिलनका सम्झिएर बस्दैछू ।
गाह्रोरहेछ् यो जिन्दगी जिउनलाई एक्लै
टुक्रिएको मुटु मेरो आफै सिएर बस्दैछु ।
रेशम श्रेष्ठ
हुवाश्-३, पर्वत ।
